|
Home |
About Us |
Xhosa Heritage |
Basotho Heritage |
Calendar |
Contact Us |
Bataung Bafokeng Bakwena Batshweneng Basia Bakgatla Bahlakwana Banareng Batlokwa Baphuthing Batloung Bakubung Bafula| O mona: Tlotlontswe > Diboko > Bafokeng |
Bafokeng |
Bafokeng ba ana Mmutla, phoofolo e masene e lebelo. Bafokeng ba ila Mmutla mme ha ba o je.
Molemane, moelema tsela, Molema tshimo a sa e phophothe, Motho wa Mmamoraredia Phohole, Wa Maotwana finyela. Ke Mofokeng wa ha Modise, Wa ha Molatswana, Motho wa ha kgetsi ya Maleke, Motho wa ha Sekono, seholokela noto. Ke Mofokeng wa mokgadi wa Motlalane, Molemane, molema tsela, Mokgatha thite ka mmoho a sa e qete. Ke Mofokeng Mokomana, Wa Mmamoraredia Phohole. Rarollang ba bo Mare dithapong, Ba rarehile ke ho ja hlooho ya kgomo, Ba jele hlooho ya kgomo e le baena. Ke Mofokeng wa Mohaila-Tsepa, Motho wa kgomo nkgate ya Mmasebothwana, kgomo e hatile motjhana monwana o monyenyane. Ke Mofokeng wa Mmamaotwana finyela, Wa Mmamoraredia Phohole, Wa maotwana a kaa ka dinaledi, A kaa ka jwang ba tshaane, A kaa ka jwang ba molelengwane. Ke Lehoana la bo Tlalane Mahoana e ka re ke dikepolana E ka re dinku di nyoloha mokhoabong Motho wa ha Mahase O a hasa wa Rampeoane, a hase dikgomo a hase batho A qetelle ka ho hasa le dipudungoana thabeng Motho wa ha Mmakgomo di behile mehlolo phatleng Motho wa ha Mmahlono e ya phuma e phumetse Ba ha Mangoajane Motho wa ha Mma-tlapa ha le ka thella ho ka hlaha mehlolo. Ke Mofokeng wa ha Tshele, Wa Lekotwane la mmulana motlala, Motho wa Mmannoha e talana, Ya jang mmutla o le tala, A o ja ditsebe o a siya mmele, Lekwekwe ke lang ha Tshele, Ke la mohla ho neng ho tsekwa marapo. |
