|
Home |
About Us |
Xhosa Heritage |
Basotho Heritage |
Calendar |
Contact Us |
Kgwetsa Ho thwasa Kgutsana Lebollo Lenyalo Tjhai Lefu Bofifi Ho kgaola moetlo| O mona: Moetlo > Ho thwasa |
Ho thwasa |
|
Pele motho e ka ba ngaka ya sesotho, o lokela ho thwasa. Ho thwasa ke tsela eo ngaka e rupellwang ka yona
tsa bongaka ba yona.
Hore motho e be ngaka ya sesotho, o lokela ho ba mokgethwa wa badimo. Sena se hlalosa hore o lokela ho ba le neo e itseng ho ntsetsa mosebetsi ona pele. O tsebiswa sena ditorong kapa sena se iponahatsa ka ho kula ho sa feleng ho hlolang dingaka le methokgo. Motho ya hanang ho ananela ho thongwa hona o wela ke bomadimabe ba ho fokollwa ke bophelo. Motho ya thwasang o thwasiswa ke ngaka e phethahetseng, e tlang ho mo tataisa dinthong tsohle tseo a lokelang ho ithuta tsona. Torong ya hae o bontshwa ngaka e lokelang ho mo thwasisa le hore na o fihla jwang ho yona.Ho teng dingaka tse thwasang tlasa tataiso ya tlholeho ka hore ba thwasetsa molapong kapa mahaheng ntle le tataiso ya motho. Podi e sebediswa haholo bakeng sa mesebetsi e amanang le dingaka tsa sesotho. Tsela eo motho a thwasang ka yona e ya fapana ho latela neo ya hae ke ba fatshe. Sena se itshetlehile ho mofuta wa ngaka oo a tlang ho ba ona mohla a qetang dithuto tsa hae. Basothong, mofuta wa sefaha seo a tlang ho se kenya se supa neo ya hae. Mebala e fapaneng ya difaha ke sesupo sa boemo ba ngaka le tsebo ya yona. |