|
Home |
About Us |
Xhosa Heritage |
Basotho Heritage |
Calendar |
Contact Us |
Kgwetsa Ho thwasa Kgutsana Lebollo Lenyalo Tjhai Lefu Bofifi Ho kgaola moetlo| O mona: Moetlo > Lenyalo |
Lenyalo |
|
Basotho ba re lenyalo ke kabelo, e leng polelo e hlalosang hore batho bohle ba lebelletswe
hore ka le leng la matsatsi ba nyale kapa ba nyaduwe. Lenyalo ke kopano ya malapa a mabedi
e leng la bo mohlankana le la bo morwetsana.
Tsela di pedi tseo ngwana mosotho a nyalang ka tsona. Ya pele ke hore a iponahatse sepheo sa hae ka hore a rahe moritshwana. Ho raha moritshwana ke ha ngwana moshemane a tla tsoha ka meso mme a bulele makgomo ho ya naheng. E tla re ha batswadi ba lemoha sena, e ba puisano ya mmatlela molekane e ba teng. Tsela ya bobedi ke hore batswadi ba mo rerele lenyalo. Ha mohlankana a se a boletse hore o kgahluwe kae kapa batswadi ba se ba qetile hore ba moratela lapeng lefe, e ba dipuisano tsa mahadi di ya qala.Ho ntshwa lenqosa le ilo tlaleha habo morwetsana hore ba tle ba lebelle baeti nakong e itseng. Ha nako eo e fihla, barumuwa ba lapa la bo mohlankana ba ya ha bo morwetsana ho ya kopa seho sa metsi. Ka tlwaelo bomalome ke bona ba tla ya buisana ka tsa bohadi ha bo kgarebe. Nako tse ding ba felehetswa ke moahelwane kapa ba babedi ba ntata mohlankana. Ha ba se ba fihlile lapeng la bo morwetsana, e ba ba ipolela sepheo sa bona e leng ho tla kopa mohope wa metsi. Ha morwetsana a se o bitsitswe mme a dumetse hore o tsebana le beng ba barumuwa, e ba dipuisano tsa sekepele di ya qalella. Lelapa la bo morwetsana le tsebisa barumuwa hore sekepele e tla ba bokae. Ha ba sa dumellane, e ba ba tla buisana ho fihlela tumellano e ba teng.Ha ba se ba dumellane ka sekepele, e ba ho bewa letsatsi leo ka lona ba tla boela ba kgutla ho tla phetha mahadi. E re ka ha morwetsana a se a kupuwe, ha ho mohlankana ya tlang ho mo tanakella ka ha o se a nyetswe. Mahadi a arotswe ka tsela e latelang:
Ngwetsi e phela le monna wa yona habo monna nakong eo ho thweng ngwetsi e ya bekwa ke mme matsale. Ho bekwa ke thuto eo ngwetsi e efumanang ho matsale mabapi le lelapa ha mmoho le meetlo le ditlwaelo tsa moo. Ho beka ho ne ho nka nako e ka etsang kgwedi tse tharo ho isa ho selemo. Ka mora nako e ka etsang kgwedi tse tharo ho isa ho tse tsheletseng, ngwetsi e isa mahlo lapeng labo moo e tswalwang teng. Ke mona moo ngwetsi e phahlelwang teng ha e kgutlela bohadi.Ka mora ho kgutlela bohadi, e ba ngwetsi le monna ba ntshwa motse ke batswadi ba monna hore ba ilo iqalla motse wa bona ba inotshi. |