 Letsema
Letsholo
Nako
Tlhompho
Masimo
Ho disa
Kahisano
Bofuma
Sewa
Mokete
Boloi
Dipapadi
|
 |
|
O mona: Ditlwaelo > Dipapadi
|
Dipapadi |
- Mantilatilane
Mantilatilane ke papadi eo ka yona ho bolediswang le ho roka seboko sa motho. Ke papadi eo ka
yona motho a ithutang ka seboko sa hae le ho ithoka a iphafa ka sona. Papadi e na e bapalwa ka
mokgwa ona:
| Mmotsi |
Moarabi |
| O tswa kae? |
Ke tswa ha Mantilane |
| Wa jang? |
Ka ja bohobe. |
| Wa futswela kang? |
Ka metsi a pula. |
| Thella he! |
Ke thelle jwang ke le...(mona seroki se qalella ho roka seboko sa hae.) |
- Ho kalla
Ho kalla ke papadi e bapalwang ke bana ba bashemane mme ba ithuta tsebo ya ho sebedisa
molamu. Ba otlana ka melamu mme moshemane ka mong o loketse ho thiba hore a se batwe ha
yena a leka ho bata wa mphato wa hae.
- Lesokwana
Lesokwana ke papadi ya banana le bashemane e bapalwang nakong ya komello. Banana ba motse
ba tswela metse e mabapi mme ba kene ntlong e ngwe mme ba kope metsi. E ba ba nka lesokwana
la motse oo ba baleha ka lona. E tla ba bashemane ba motse oo ba ya ba lelekisa ka sepheyo
sa ho boela ba fumana lesokwana leo. Lesokwana ke engwe ya dithapelo tsa basotho tseo ka tsona ba rapellang pula.
- Mmino
Pina ke ntho e kgolo bophelong ba mosotho ka kakaretso. Bana ba bina dipina hohle mme ho
bile ho na le tlhodisano tsa mmino moo metse e mabapi e kopanang mme ho hlodisanwe ka mmino.
- Senyamo
Senyamo ke papadi ya lerato e bapalwang ke banana le bashemane mantsiboya ha shwalane e
tshwara. Ngwanana o tla botsa e mong a re:
Ya botsang: Senyamo
Ya botswang: Se mang?
Ya botsang: Se nnyeo (e le ha a bolela lebitso la moshemane)
Ya botswang: Seboko (o hana moshemane) kapa Ka shwa (o dumela moshemane)
Sena se tla tswela pele ho fihlela ngwanana a ba a dumela moshemane kapa ya botsang a ba
a tela.
- Mantlwane
Mantlwane ke papadi eo ka yona bana ba tshwantshwanyang ho ba batswadi. Ho ba le malapa mme
bana ba banana ke bomme ha bashemane e ba bontante. Ho tluwa le dijo malapeng ka ho fapana
mme e ba ho ya phehuwa. Ha dijo di se dibutsuwe mme ho tshotswe, e ba papadi e fedile.
- Ho Tsoma
Ho tsoma ke papadi ya bashemane e leng moo ba tswang ho ya naheng ho ilo tsoma diphoofolo
tsa naha. Sepheo sa ho tsoma ke ho tla le nama lapeng. Diphoofolo tseo basotho ba tlwaetseng
ho ya ditsoma ke letsha, none, tshepe, noko, tshukudu le nare.
- Ho Tshosetsa
Ho tshosa ke papadi ya bashamane e leng moo ba tswang ho ya tsoma dinonyana le ditadi. Dinonyana
tseo ba batlwaetseng ho di tsoma ke thaha, lenkukurwane, leeba, kgaka le lehodi. Ditadi tseo
ba tlwaetseng ho ya di tsoma tsona ke lebodi le kgwana.
- Mopaqo
Mopaqo ke mofuta wa motjeko o etelletsweng pele ke mmino, mme ke papadi ya banana.
- Mokopu
- Diketo
Diketo ke papadi e ratwang ke banana ba basotho moo ho bapalwang ka majwe a kentsweng
sebidikweng kapa hara mokotjana. Mobapadi o akgela lejwe hodimo mme a ntshe majwe mokoting
kapa sebidikweng mme a boele a kope lejwe leo ntle le ho le diya. Ketso e na ya ho ntsha le
kgutlisetsa majwe ka mokoting e tswela pele ho fihlela majwe ohle a fedile ka ha kamehla ha
a kgutlisetswa ho siuwa le le leng.
- Kgathi
Kgathi ke papadi ya banana moo ba tlolang kgole kapa thapo ha ba bang bona ba e tlodisa.
- Tswibila
Tswibila ke papadi ya bashemane mmo ba nkang dithupa tse kebeselang mme ba bee letsopa le
lesesanyane qetellong, ba nto betsa thupa ba e lebisitse ho ba bang. Letsopa e ba le tswa
le lebile mothong ya otlwang ka lona.
- Mokgibo
|
|
|
|
