Ntlo ka ngwe nqalong ya bafu e bitswa lebitla, mme moo bafu ba rona ba robatswang teng. Boholoholo ha basotho ba sa na le naha, mabitla a ne a hlongwa hona mobung wa lelapa ka leng. Beng ba bafu ke bona ba ikarabelang ka bafu ba bona mme batho ba lokela ho boloka matlo a bafu ba bona a hlwekile. Haholo jwang hobane mona ke moo batho ba behang mekolokotwane ha ba tlile ho hlwela bafu ba bona.

Mesong eo mofu a tla behwa ka yona, ho tswa banna ho ya epa ntlo ya mofu. Basadi le bana ha ba ya dumellwa ho ya tjhepa lebitla. Lebitlwa le tjhekwa le shebile botjhabela mme boholong ho ne ho etswa phapusi moo mofu a neng a dula teng. Lekoko la phoofolo le ne sebediswa ho mo apesa, empa mehleng e na ho sebediswa makese. Mofu o fuwa dihlomo, lerumo le thebe, ho itshireletsa leetong la hae la ho kgutlela ho baholo ba hae. O ne a boela a fuwa peo eo ka yona ho kotjwang kgora le nala ho ba fatshe.